KellyChu - 星島上下力撐中環街市 拉隊睇世盃季軍戰直播｜Executive日記
KellyChu
2022-12-19 00:00 HKT
字體大小
世界盃熱潮喺過去呢個周末攀上高峰，其中中環街市直播賽事，大受中環人支持，亦有好多市民專程到場觀戰，氣氛熱鬧，星島新聞集團力撐中環街市，一班編採人員同高層當晚去到現場睇季軍戰，一邊飲啤酒，一邊呼喊，真係好開心。
中環街市舉行「親.動.融入世界盃」大型直播活動，星島新聞集團嘅專場喺上周六晚十時開始，《星島》、《頭條》、英文《虎報》、星島新聞集團online組同事同高層，浩浩蕩蕩數十人，不怕寒風，一齊去到中環街市地下Oasis，同場仲有香港失明人協進會視障人士同義工，再加上邊圍餐廳酒吧嘅客人，總共百幾二百人，一齊開心見證克羅地亞同摩洛哥爭奪世界盃季軍嘅過程。
開賽前，先玩有獎遊戲，向市民派發獎品，星島新聞集團副主席兼行政總裁郭曉亭、華懋集團中環街市副總經理鍾詠婷、香港失明人協進會副會長陳志剛、香港足球總會市場及傳訊經理孔俊偉等，仲同星島新聞集團編採部同事開心合照，跟住一齊盯住中環街市嘅大電視，季軍賽確係緊張刺激，開波九分鐘兩隊就各入一粒，完上半場前俾克羅地亞入多一球，擊敗摩洛哥，成為今屆世界盃季軍，大家開心過咗一個晚上。
Kelly Chu
中環街市舉行「親.動.融入世界盃」大型直播活動，星島新聞集團嘅專場喺上周六晚十時開始，《星島》、《頭條》、英文《虎報》、星島新聞集團online組同事同高層，浩浩蕩蕩數十人，不怕寒風，一齊去到中環街市地下Oasis，同場仲有香港失明人協進會視障人士同義工，再加上邊圍餐廳酒吧嘅客人，總共百幾二百人，一齊開心見證克羅地亞同摩洛哥爭奪世界盃季軍嘅過程。
開賽前，先玩有獎遊戲，向市民派發獎品，星島新聞集團副主席兼行政總裁郭曉亭、華懋集團中環街市副總經理鍾詠婷、香港失明人協進會副會長陳志剛、香港足球總會市場及傳訊經理孔俊偉等，仲同星島新聞集團編採部同事開心合照，跟住一齊盯住中環街市嘅大電視，季軍賽確係緊張刺激，開波九分鐘兩隊就各入一粒，完上半場前俾克羅地亞入多一球，擊敗摩洛哥，成為今屆世界盃季軍，大家開心過咗一個晚上。
Kelly Chu
更多文章
