KellyChu - 俄羅斯塗鴉藝術家旺角畫「第五貓」｜Executive日記
KellyChu
2022-12-17 00:00 HKT
字體大小
俄羅斯塗鴉藝術家Vladimir早前喺香港畫咗兩幅貓塗鴉作品，包括大帽山「貓屋」同汀九「光環貓」，但都好可惜被破壞。雖然Vladimir一度好失望，話過唔會再畫，不過佢嘅靈感真喺源源不絕，先後喺馬灣同觀塘巧明街工廠大廈再畫咗兩幅作品，近日仲喺旺角鬧市增添「第五貓」！
第五貓畫作喺旺角花園街一間茶餐廳嘅捲閘外，前日大致完成。據Kelly所知，Vladimir前日傍晚抵達茶餐廳，由清潔鐵閘到完成作品，至少用咗十個鐘。Vladimir話，每幅作品，都真有其貓，透露自己會先拍低貓喵神態，畫嗰陣隨心揀選。對於自己嘅作品可以得到港人賞識，並成為打卡熱點，佢就話好多謝大家嘅支持。Vladimir加油，相信大家都好期待見到佢更多作品！
Kelly Chu
■第五貓畫作喺旺角花園街一間茶餐廳嘅捲閘外。
第五貓畫作喺旺角花園街一間茶餐廳嘅捲閘外，前日大致完成。據Kelly所知，Vladimir前日傍晚抵達茶餐廳，由清潔鐵閘到完成作品，至少用咗十個鐘。Vladimir話，每幅作品，都真有其貓，透露自己會先拍低貓喵神態，畫嗰陣隨心揀選。對於自己嘅作品可以得到港人賞識，並成為打卡熱點，佢就話好多謝大家嘅支持。Vladimir加油，相信大家都好期待見到佢更多作品！
Kelly Chu
更多文章
