鄧達智 - 澳葡盆菜TACHO｜講是非

智智樂GO

鄧達智

2023-02-23 00:00

生活專欄

內容

TACHO有中文名？相信沒有，聽過無數次，人人都叫TACHO並無別名；偶爾解釋：澳葡盆菜。

真心愛澳門。猶如檳城，也及京都與杭州。澳門老區跟氹仔與路環橫街窄巷一脈相承，除卻遊客充斥，多年來景觀氣韻改變不大。檳城老城區George Town亦同，除非當局不智，核爆式改頭換面，換成深圳、將軍澳⋯⋯等等無中生有高樓大廈新巿鎮，植根數百年的混血Exotic底蘊，動搖清洗？並不容易！

早晨，走入窄長十月初五街，猶似回去舊日元朗舊墟，雖窄猶寬人車各走各路，沒感受壓迫。「南屏雅敘」最叫人Impressive並非引以為傲的南屏蛋治（蛋雖厚，煎老了）；而是沙翁（炸蛋球），買少見少的老派香港甜點小吃，要吃一口新鮮沙翁，得老遠跑到大澳。過大海，澳門街亦可吃到值80分的名物，發思古之幽情忽發其想：沙翁，可是澳葡食制，猶如葡撻變蛋撻隔個大海傳過來？

遺蔭非自英國，英人吃食文化極低，點會出口如此優秀文化結晶？

講起澳葡美食（跟純正葡國傳統食制明顯分別）非洲雞、咖喱蟹⋯⋯得惠自海洋文化關係前殖民地巴西、非洲、印度 Goa、斯里蘭卡⋯⋯之大熔爐；沙翁，形神俱似來自煎炸專長的南亞。

地膽帶路到路環聖芳濟各教堂前地，「雅憩」花園餐廳（Nga Tim），試味澳葡人過時過節吃的大雜燴TACHO，基本上車仔麵、盆菜混合體：金華火腿、臘鴨、臘腸、膶腸、豬皮、魚蛋、黃芽白⋯⋯似乎以冬節至農曆新年之間的民間食材，甚之廚餘置於一鍋，脆皮豬仔包伴吃，相當滋味過癮。

這上下諗起葡萄牙名菜之一「焗鴨飯」（Arroz de Pato），加入鴨肉絲及香辣腸切片焗成。打死認定這是二次創作的廣東人北風起神級美食：臘鴨臘腸臘肉明火煲仔飯。

玄機在於鴨肉，如假包換我們的臘鴨肉拆絲，絕對歐洲所無！
鄧達智