KellyChu - 會展書展明開鑼 入場睇好書聽講座 女醫生新書揭醫學美容面紗｜Executive日記
KellyChu
2023-07-18 20:19 HKT
字體大小
書展明日喺灣仔開幕啦，各位書迷去「打書釘」嘅同時，不妨留意下由星島出版、林薇醫生嘅新書《女醫生眼中的醫學美容》，作品分9個章節，涵蓋皺紋處理、非侵入性治療、身體纖型、美白、護膚趨勢等話題，全方位向讀者介紹醫學美容及皮膚護理等資訊，讓求美者有根有據地變靚。Kelly貪靚，係人都知，撲咗一本深入研究。
小妹率先睇完本書啦，裏面嘅內容真係好豐富，例如時下大受歡迎嘅體外溶脂治療，其實係利用4°C冷凍原理，令受治療部位如腰間贅肉、前腹贅肉等皮下脂肪細胞因受低溫而引發的細胞凋亡，一次治療就可令皮下脂肪厚度減少27%，難怪坊間形容躺着就可以瘦身！
林薇醫生話，醫學美容醫治嘅唔係疾病，而係提升同改善人們嘅生活質素，佢又強調醫美唔係魔法，而係有根有據、有科學研究、具臨牀實證及數據支持嘅醫學治療。佢希望求美者唔好覺得自己係有皮膚或身體上嘅疾病，相反，選擇醫美係出於對健美身形、抗衰老、年輕外貌嘅追求。
林薇醫生星期四下午3時至4時會喺書展會場1B-C02攤位舉行新書發佈會，期間佢仲會主持活動講座，傾下飲食同抗衰老。大家如果想知多啲食物背後嘅年輕秘密，就千祈唔好錯過林醫生嘅講座啦！
Kelly Chu 
最Hit
70歲《天蠶變》男星一特徵證Fit過後生仔 曾拍三級片90年代攻台「踎足8年」 與電視台小花再婚
2025-04-02 10:00 HKT
「鑽石之王」HARRY WINSTON 糅合多元風格與切工美藝 締造璀璨婚嫁珠寶
2025-04-03 00:00 HKT
40歲男子患嚴重脂肪肝 醫生教必吃2食物無需運動 半年逆轉病情
2025-04-02 12:06 HKT
伍仲衡強勢回歸《中年好聲音3》再任評審？「何晉樂」高調宣布伍Sir加盟 一個特質遭恥笑
2025-04-02 15:30 HKT
更多文章
