KellyChu - 與全港藝團同行 打造文化藝術氛圍 星島《ArtCan》大革新強勢登場｜Executive日記
KellyChu
2023-08-04 00:00
字體大小
Kelly昨天打開《星島日報》，差啲嘩一聲，文化藝術版《ArtCan》版面大革新，真係好潮又好靚！《星島》編採團隊話，佢哋集思廣益，一齊打破框框，全新策展《ArtCan》，目標鮮明，同全港藝團同行，並鼓勵大企業支持文藝創意工業，合力推廣香港嘅文藝氛圍，以Art連繫社群，講我哋嘅故事。
重本製作8版精品書紙刊物
逢周四隨《星島日報》附送嘅《ArtCan》，一直全面涵蓋本地同國際藝文資訊，從8月起線上線下大革新並加強內容，重本製作8版精品書紙刊物，再度升格，值得珍藏！
新版面進一步提升視覺美感，每期封面精選具珍藏價值嘅圖像，設計成全版海報，發掘藝術、戲劇、音樂、舞蹈、建築同視覺藝術等最美一刻，為大家凝留回憶。
革新後嘅《ArtCan》唔單止封面靚，內容一樣精采。新一期介紹國際綜藝合家歡節目《心兒與她的奇幻恐龍書》，呢場融合芭蕾藝術同劇場科技嘅舞劇，由香港芭蕾舞團與英國頂尖設計團隊「59製作」聯合製作，藉影像投射巨書，等觀眾沉浸喺童心爛漫的世界中！下期內容同樣精采，大家留意喇！
Kelly Chu
更多文章
