KellyChu - 試玩電子運動 為小朋友打氣 超哥全民運動日與民同樂｜Executive日記
KellyChu
2023-08-07 00:00
字體大小
昨日係一年一度嘅「全民運動日」，康文署舉辦咗多項體適能運動示範活動俾巿民參與。一向親民嘅特首李家超，同一眾官員去深水埗體育館，與民同樂，佢仲落場試玩電子劍靶、電子戰繩等，仲舉起手指公為參與活動嘅小朋友打氣，大家一邊運動一邊玩得好開心。
李家超同一眾官員去到體育館視察，一齊高呼宣傳口號：「日日運動半個鐘，健康快樂人輕鬆」。佢哋又參觀陸上衝浪、電子反應架、競技疊杯等活動，期間有小朋友試玩「TABATA」體適能間歇訓練，特首亦為佢不斷鼓掌歡呼，又舉起手指公讚揚。
佢哋仲欣賞咗前港隊殘疾運動員示範重劍，更加落場試玩電子劍靶，李家超嘅平均每劍反應時間係1.12秒。
雖然小妹知道特首鍾意練氣功，但估唔到原來佢對其他運動都咁有興趣，希望超哥嘅運動Mode多啲亮相，鼓勵公眾多做運動健身。
Kelly Chu
更多文章
