KellyChu - 港人遊日拆桃盒左揀右揀 網民狠批「肉酸到呢」｜Executive日記
KellyChu
2023-08-07 00:00
字體大小
做一個識禮貌嘅旅行者，對自己同當地人都好！近日有網民喺Facebook群組，分享港人喺日本嘅丟架行為，3名疑似港人喺當地超市揀選盒裝水蜜桃時，竟然連續拆開幾盒，「又拆又摸反轉埋嚟睇」，令人咋舌。
該網民喺「九州福岡地道情報站」FB群組發帖，附上一張圖片，可見2名女子對住手上嘅水蜜桃「上下其手」，行為誇張。佢喺帖文中說，當時看到1男2女，操流利廣東話，「開咗好幾盒桃，又拆又摸反轉埋黎睇，有日本人見到之後企定定好匪夷所思咁呆咗白眼你哋」，佢稱當時喺旁邊「講咗句離晒譜拆人個盒，唔知佢扮聽唔到定真係聽唔到，繼續拆。」
事件網上迅速發酵，有網民認出事發地點在福岡6月新開的LOPIA博多友都八喜店，表示「肉酸到呢」、「唔爛都俾佢哋摸到爛」；亦有網民直言「我會直接行過去講，日本人都歧視你2個啦」、「影衰香港人」。
Kelly勸籲遊日嘅港人，日本人唔鬧你，唔代表冇事，而係人哋心中鄙視你呀！
Kelly Chu
更多文章
