KellyChu - 設逾300攤位 市民入場血拼 工展會購物節 熟食攤超吸引｜Executive日記
KellyChu
2023-08-05 00:00
字體大小
一連4日嘅工展會購物節昨日喺亞洲國際博覽館開幕喇！場內設有300幾個攤位，而且係疫情後首次設熟食攤位，吸引大批市民入場大手掃貨，而小朋友就又食又玩好開心！
今次購物節分成6大展區，包括休閒食品區、生活家品區、服飾美容區等，部分產品仲低於1元發售！現場亦設美食同遊戲攤位，仲免費派發1000份雪糕。有幾十位市民開幕前已經到場排隊，有人仲帶埋購物車嚟掃貨！有同家長到場嘅小朋友就話，現場可以試食好多美食，好開心！亦有市民話，入場前都沒諗過今年可以試食，試完之後買咗好多食品。另外，唔少市民預計花費幾千元大手入貨。
商務及經濟發展局局長丘應樺亦到場支持，仲同廠商會會長史立德一齊，即場食雪條解暑！史立德就話，去年活動有6000多萬元銷售額，今年希望可以吸引內地旅客到場，期望人流同銷售額分別增加1成，協助中小企盡快復常，帶動經濟。
Kelly Chu
更多文章
