吳家樂與鄧兆尊談張慧儀疑被擺上台 暗指鍾慧冰節目跣人：製造事端 姓馬女星被爆激嬲曾勵珍後離巢
發佈時間：22:30 2025-04-01 HKT
由吳家樂、鄧兆尊、江美儀與謝遜主持的網上節目《娛樂好好玩》昨日（3月31日）直播新一集，鄧兆尊早前以姓氏「陳李張黃何」之一為線索，爆料一名女星同時暗交6名富豪秘密生B，牽連張慧儀成為網民狙擊對象，及後鄧兆尊澄清她並非事件中的女主角。而昨晚直播中，鄧兆尊除了再度回應張慧儀為此事被網民騷擾感嬲爆外，吳家樂亦以姓氏爆料一名女星曾因拒絕做一事，引來曾勵珍不滿，最終要離開TVB。
吳家樂：主持某程度上製造咗啲事端
《娛樂好好玩》提到早前鄧兆尊一個爆料引起有關張慧儀的誤會，鄧兆尊透露私下已跟張慧儀溝通過，鄧兆尊說曾邀張慧儀上節目或電話訪問一起解開誤會，但張慧儀拒絕，表明只想話題快些完結，並不是想借回應此事博流量復出幕前。吳家樂與鄧兆尊都認為只是鍾慧冰的網上節目在剪接時為了吸引度，將對話中提到「鄧某」的說話放大，令事件熱度提升。吳家樂表示：「佢（張慧儀）上呢個節目做訪問，個主持某程度上係製造咗啲事端出嚟。」鄧兆尊在旁亦和應：「冇錯冇錯。」鄧兆尊更分享與張慧儀的對話，「慧儀都話『我都唔係嬲你，都冇話過係你，但出街嘅時候剪到好似我同你有拗撬咁』。」
相關閱讀：鄧兆尊澄清女星劈腿六富豪搞大肚爆料非影射張慧儀 公開喊話願道歉平息風波：叫佢打畀我
吳家樂、鄧兆尊討論鍾慧冰訪問張慧儀：有少少跣佢？
吳家樂質疑鍾慧冰節目跣張慧儀？
吳家樂指對於事件突然熱度如此高，他感到很奇怪：「如果佢（張慧儀）真係嬲，唔會隔咁耐先喺一個……唔好話咩……唔太受關注……喺一個平台上面嚟話你（鄧兆尊）囉，如果佢要話佢可以向廣大傳媒講，或者佢自己嘅社交平台都可以話你（鄧兆尊）啦，我真係覺得好奇怪，點解要隔咁耐先喺個平台度話你（鄧兆尊）？」鄧兆尊解釋，只是節目中談起張慧儀的養子，早前的爆料只是輕輕一提，問及張慧儀的回應。吳家樂整理一次，指張慧儀在鍾慧冰網上節目中批評的是在社交平台上，將傳聞當成事實傳播的網民，而非指鄧兆尊，他指着鍾慧冰節目的截圖說：「張慧儀應承咗呢個平台版主做咗個訪問，而呢件事我覺得某程度上係有少少跣佢。」鄧兆尊與江美儀都點頭同意吳家樂的說法。
相關閱讀：張慧儀罕談曾被拉丁舞王家暴真相 宣布結婚後唔想嫁 強調養子非親生：大不了驗DNA
吳家樂爆女星為私隱影響工作
吳家樂另外又爆料，曾有一名女星不願意配合幕後同事，拒絕分享她的電話號碼引來不便，最終更驚動高層曾勵珍。吳家樂指事件發生於約20年前，他說：「嗰個女藝人從來唔覆電話，PA打畀佢唔覆，通告收咗唔覆，有咩佢要你fax畀佢，或者用call機。」直至有次開綜藝節目大會時，TVB高層曾勵珍即場質問她為何不把電話號碼告訴同事，吳家樂描述當時情況：「佢話『我唔鍾意畀，私隱，我私人問題係都唔畀』，曾嗰陣其實都冇乜人用call機。跟住珍姐真係嬲『你信唔信我即刻調你離開呢組』，佢話『你調走我都唔畀』，最終佢真係畀人調走咗。」幾位主持都好奇她不公開電話號碼的原因，更指很多人都有多個電話號碼，可以將分為工作及私人用途，連吳家樂都表示難以理解這位女星的做法。至於這位女星的身份，吳家樂只提供了幾個線索，「佢畀人調走之後仲離開咗TVB，姓馬嘅，已經淡出娛樂圈，但間中會出現喺一啲平台。」吳家樂與鄧兆尊表示，該女星絕非馬蹄露或馬海倫。
相關閱讀：張慧儀激動回應鄧某 傳曾劈腿六富豪搞大肚：好好玩咩 遭盧慶輝狠撇打擊大
鄧兆尊罕爆與「三妻」性生活？
