Jacky哥 - 恒生財神化身「元祖財神」登場！ 恒生鐵寶財神家族驚喜現身｜企業熱話
Jacky哥
2023-10-03 00:00
字體大小
財神可以話係恒生銀行獨特嘅標誌之一，相信大家都唔陌生。今年年頭我都同大家分享過，為咗慶祝恒生銀行90周年，佢哋推出咗一系列復刻版財神利是封，仲成為咗全城熱話，我自己當然都有儲一套啦。恒生銀行最近又有新搞作，以「恒變生無限」嘅品牌概念，恒生財神嚟個前衛大變身，繼續為大家帶來好運！
今次恒生同本地年輕潮物品牌TinBot the Collectibles鐵寶奇盒合作，幫恒生財神換上全新形象，喺保留經典傳統元素之餘，亦加入本土創新設計。除咗由傳統財神衍生出嚟嘅「元祖財神」之外，亦增設咗「招財神」及「旺財神」，合組成為「恒生鐵寶財神家族」。接財神當然唔只局限於農曆新年啦，Jacky就趁住十 · 一黃金周，率先去咗彌敦道嘅恒生九龍總行同2米高嘅實物「元祖財神」打卡，現場仲可以參加「捉財神必中獎」遊戲，有機會贏走一套三隻恒生鐵寶財神家族或禮劵。
睇財神真面目之餘，留意「元祖財神」記得翹起左手手指尾嘅獨特標記，吸吸旺氣，順便去打卡贏獎品！聽聞「恒生鐵寶財神家族」稍後仲會有其他新成員加入，大家拭目以待啦！
Jacky哥
最Hit
長者餐飲優惠2025｜32大長者咭+樂悠咭連鎖快餐/火鍋放題/餐廳折扣 大家樂/麥當勞/稻香/美心一文睇清
2025-01-06 19:13
盤翠瑩返TVB後終再做主播！網民貼15年前對比圖嚇親 曾與猛料老公舉家移英
2025-01-06 17:30
更多文章
