Cally - 預防老人痴呆有妙法｜商界講呢啲
Cally
2023-10-11 00:00
字體大小
天有不測之風雲，Cally原以為同香港無緣；點知依家經常橫風橫雨，面對極端天氣，見到好多地方水浸路塞，啲農地又浸晒，心裏面都唔多舒服；阿Q精神啲就當放一日假喺屋企休息下、hea下。之不過對老人家嚟講，又有另一種說法。事關小犬襲港留家兩日，年屆70嘅婆婆無所事事，就同其他鄰居婆婆一齊玩衞生麻雀，仲跟上潮流玩「百搭紅中」呢個玩法。Cally唔係鼓吹賭博，但又發覺老人家輕輕鬆鬆，咁玩，只係簡單啲碰牌、槓牌、及用紅中做百搭牌，唔使太用腦筋，純粹當遊戲咁玩，四個婆婆好似發現新大陸咁，玩過不亦樂乎。婆婆們仲笑住話：「得閒要玩吓新玩意，個腦先識轉，係預防老退化妙法嚟架！」果然後生一輩要多關心長輩，咪睇小佢地老頑童嘅一面。
Cally
最Hit
更多文章
