KellyChu - 邊跑步邊睇靚景 勁chill 首屆中銀港珠澳橋半馬11.19起跑｜Executive日記
KellyChu
2023-10-19 00:00
字體大小
各位跑友注意喇！由「中銀香港」贊助、中國香港田徑總會主辦嘅首屆「中銀香港港珠澳大橋半馬」，將會喺11月19日嘅星期日舉行。今次半馬賽事嘅路程約為21.1公里，限時2.5小時，喺港珠澳大橋通車後，首個舉辦嘅體育盛事，參賽者可以邊跑邊欣賞大橋沿途景色，真係好chill！
賽事啟動禮昨日舉行（見圖），藝人黎諾懿、楊偲泳、劍擊運動員朱嘉望、前香港花式溜冰代表隊成員馬曉晴、長跑運動員鄭文皓等都有出席。今次賽事集合點係亞洲國際博覽館，起點就喺港珠澳大橋香港口岸，跑手起跑後，沿港珠澳大橋前進至香港段約10.5公里處折返，之後再跑返香港口岸終點。
香港青年（U20）半馬拉松紀錄保持者鄭文皓仲現場分享自己賽前嘅備戰心得，話除咗要分階段訓練體能，仲要及時補充營養。
剛喺杭州亞運女子重劍團體賽中奪得銀牌、有心理學專業背景嘅朱嘉望，就認為賽前調理好心態很重要！
Kelly Chu
更多文章
