Cally - Chill住嘆嘅日式居酒屋|商界講呢啲
平時放工經過將軍澳海天晉滙,留意到一間好有特色嘅日式串燒居酒屋,環境幾吸引。餐廳入面好闊落,食客唔會背貼背、枱貼枱,場內更有飛鏢機及桌球枱等,好適合三五知己放工後Happy Hour食住串燒傾八卦嘢。
呢間日式居酒屋而家有個優惠二人餐,性價比相當高。套餐內容豐富,包括有高湯煮大根,味道清甜不苦澀;又有我最愛嘅豚肉荔枝卷,豚肉多汁配上鮮甜荔枝,荔枝可解豚肉油脂,好啱又愛Juicy美食又怕油膩嘅我。鮮冬菇串燒,燒得恰到好處,菇香十足。牛舌芯串亦好精彩,牛舌燒烤後風味被鎖緊,香濃Q彈。燒雞中翼串,外脆內嫩好惹味。月見免治雞肉棒,香烤雞肉配上無菌蛋及店家自製醬料,完美組合。花魚一夜干,外皮香脆而且肉滑入味。燒鱈魚棒,火候剛好,魚肉嫩滑。
廣島吉列生蠔,炸到脆而不油,蠔肉鮮甜肥美。和風牛肉炒飯,粒粒分明而且有濃濃牛肉香。最後作結嘅餐後甜品係日本綠茶蕨餅,口感煙韌又唔會過甜,配返杯調酒師精心調製嘅Mocktail,食完呢餐好似去咗東京咁滿足。
形Katachi Bar & Kushiyaki
查詢:9123 0821
Cally
最Hit
大家樂$30/半斤叉燒回歸!加碼$10加配小食拼盤 上回網民力讚「好到難以置信」
2024-09-19 12:46
大家樂長者優惠|一連七日加碼3大折扣 晚市減$8/免費雞翼 長者咭/樂悠咭都有份!
2024-09-19 12:48
名醫曾「被判」患胰臟癌 成功抗癌不復發!2招「餓死」癌細胞 早餐必喝1飲品
2024-09-18 13:25