KellyChu - 前港姐登星島ArtCan 美貌與智慧 深耕漢字｜Executive日記
KellyChu
2023-10-27 00:00
字體大小
大家都知小妹係一個文青，近月仲期期追讀《星島日報》副刊《ArtCan》，讀本周四最新一期就發現，原來1979年香港小姐冠軍鄭文雅唔單止人靚，仲好有藝術修養，一直醉心唔同嘅藝術表達手法，近年更潛心學習書法藝術。疫情期間，佢埋首創作，陶雕心經、廣東話潮語，又木刻《蘭亭序》，旨在將悠久歷史嘅中國文化，一代代傳承下去。
中國書法源遠流長，從象形創世到草書飛舞，筆墨傳奇綿延五千年。近年罕有喺傳媒上露面嘅鄭文雅，接受ArtCan專訪，一切只為推廣中國特有嘅藝術；「哪怕只是讓觀賞者感興趣，希望了解更多，甚至有想試寫書法的念頭，已經足夠。」
鄭文雅嘅作品今日起至11月5日會喺屯門大會堂一樓展覽廳展出，呢個《香港內地篆刻藝術作品邀請展》由屯門文藝協進會主辦，免費入場，大家記得去睇下！
Kelly Chu
更多文章
