Cally - 張文新、車淑梅為公益籌款 辦「40．70．100」慈善聚餐｜商界講呢啲
Cally
2023-10-31 00:00
字體大小
臨近年尾，差唔多個個星期有飲宴！早幾日喺沙田馬會會所，就有個喜慶場合獲得城中各行業翹楚精英、政商及傳播名人齊齊撐場，原來係香港電台前助理廣播處長張文新及資深傳媒人車淑梅籌組嘅「40．70．100」慈善聚餐，係紀念二人結婚40載、行年70歲、入行100年嘅大事！同時為公益團體「義務工作發展局」及「寰宇希望」籌款，支持SEN兒童同長者服務，極有意義。
淑梅姐喺席上分享婚姻甜蜜40載嘅點滴，回想1981年二人第一次拍拖係去睇電影《法國中尉的女人》，而家新哥已夠資格攞拿「生果金」，但佢仍活力十足，每星期去游水及打高爾夫球，仲有為不同機構擔任顧問工作，為慈善及為本地樂壇忙做義務小兵。點知淑梅姐比新哥更早入行：「第一次播音係1967年《空中小園地》，鄧慧嫻女士係我第一個伯樂。」而家姐車森梅亦有鼓勵佢。新哥就1973年加入香港電台公共事務組，做《十大金曲》總策劃及台長之前，做過記者及助導，二人一共喺廣播道打滾超過100年，絕對係播音界嘅模範夫妻。
Cally
更多文章
