Cally - 花園道三號10米高聖誕樹亮燈 主席羅嘉瑞醫生、行政總裁侯迅小姐暖意點亮中環｜商界講呢啲
Cally
2023-12-05 00:00
字體大小
聖誕將至，冠君產業信託旗下花園道三號於過去周末首次聯同本地豐盛社企學會及旗下「十一良心消費運動」舉辦大型戶外聖誕社企市集，反應熱烈，並喺市集首天為10米高聖誕樹同閃爍星海階梯裝飾舉行亮燈儀式，令中環滿載節慶氣氛。
花園道三號一向積極支持音樂藝術，亮燈儀式仲特別邀請「音樂兒童基金會」嘅「鷹君音樂兒童合奏團」表演聖誕樂曲，由50多位充滿音樂潛能嘅年輕人率先同大家報佳音，歡樂妙韻將現埸節日氛圍推至高峰。
冠君產業信託行政總裁侯迅表示：「支持共融及可持續發展一直係冠君產業信託管理哲學同企業文化中不可或缺嘅重要部分。藉住聖誕佳節，花園道三號同豐盛社企學會攜手合作，將商界同社企嘅連結緊扣，共同推動我哋嘅租戶、社區同公眾支持良心消費、達致關愛共融。我哋亦邀請咗200位弱勢兒童家庭，到場參加多工作坊同欣賞表演，貫徹Share and Celebrate理念，為節日增添意義。」
花園道三號嘅聖誕樹及閃爍星海階梯將會設置至今年年底，大家不妨同朋友、家人同摯愛一齊嚟留影，期昐新一年嘅來臨。
Cally
更多文章
