KellyChu - 6米高「綠鐵B」超吸睛 攤位遊戲受歡迎 港鐵「動」樂日宣揚環保小知識｜Executive日記
KellyChu
2024-03-18 02:00
字體大小
為推廣低碳環保生活，港鐵喺上個星期六舉辦「綠鐵B『動』樂日」大型社區活動，由綠色大使「綠鐵B」牽頭，聯同港鐵義工隊以及十個環保組織、非牟利團體及綠色企業，籌備唔同嘅攤位遊戲，透過親子同樂宣揚環保訊息。
會場設有一個6米高嘅「綠鐵B」充氣公仔，吸引一家大細打卡，另有Go Green攤位遊戲同埋DIY綠色工作坊，讓參加者從中認識源頭減廢和回收廢物等不同方法。其中，紙包飲品盒回收商喵坊Mil Mill，利用港鐵日常收集到嘅廢棄廁紙筒製作再造紙，透過工作坊講解回收廢紙嘅重要，教育大家珍惜資源。
港鐵亦呼籲參加者自備水樽及餐具，身體力行實踐綠色生活，並於場內設置免費飲水機，鼓勵減少使用一次性膠樽，以及供應和回收可重用餐盒。場內嘅地道美食攤位，則提供由植物纖維製造嘅食物包裝及餐具，可與廚餘一同處理轉化為堆肥物料。
港鐵已喺香港鐵路及物業業務中實施多項節能減碳措施，其中顯徑站採用自然採光及通風、綠化天台及使用可再生能源，獲英國建築研究院綠色建築評估系統BREEAM In-Use「出色」（Excellent）評級，成為全球首個榮獲此認證嘅鐵路車站，未來亦將於7個新車站設計融入綠色元素。
KellyChu
小朋友透過攤位遊戲，認識源頭減廢和回收廢物的方法。
最Hit
前TVB名廚驚現樂富超市賣袁記雲餃！密密做試食推銷sell內地預製菜 繼續向師奶埋手！網民︰兜踎？搵食啫
2024-10-17 15:50
必定又再「屍橫遍野」｜曾智華
2024-10-17 16:06
更多文章
