KellyChu - 李家超參觀夏商周文明展 寄語市民多認識中華文化 | Executive日記
KellyChu
2024-04-02 02:00
字體大小
特首李家超喺《施政報告》提出成立「弘揚中華文化辦公室」（弘揚辦），其中弘揚辦首個中國通史系列展覽——河南夏商周三代文明展，明天將於香港歷史博物館開放公眾參觀。特首噚日就率先去咗預覽，鼓勵市民多參與弘揚辦嘅活動，更好認識和欣賞中華文化嘅深厚內涵。
特首感謝河南博物院以及省內十多間文博機構借出逾150件/套珍貴文物，讓香港市民同旅客可以認識中國古代文化，佢介紹其中一件國家一級文物「王子午」鼎（見圖），周圍攀附着6條浮雕夔龍，咬着鼎嘅口沿作探水狀，極具動感，展現楚國青銅器嘅獨有風格；以及古人祭祀用嘅豬頭蓋和禮樂制度中嘅編鐘等，均呈現先人智慧。
特首話，要培養市民愛國情懷，先要增加大家對國家文化嘅認識，而學習國家歷史係最好嘅起步點。弘揚辦將透過籌劃推動中華文化和歷史活動、交流和合作，宣揚中華文化和推廣愛國主義教育，從而提升市民嘅文化自信，同時增加對國家和國民身份嘅認同。
KellyChu
更多文章
