KellyChu - 挑戰麥理浩徑 遭咬爛帳篷搶食物 內地女網紅暴雨紮營野豬來襲 | Executive日記
![雨後天晴美景令樓主感驚喜。](https://image.hkhl.hk/f/686e386/0x0/100/none/0780dbef487f47db1892e9a93994d54a/2024-05/WNN05P02040524_copy.jpg)
上周末本港一度出現狂風雷暴,有內地旅客趁五一黃金周赴港挑戰麥理浩徑,無懼風雨2日1夜行山露營,事後分享過程心酸,不但裝備報廢,更遭野豬咬爛帳篷兼搶食。有網民替樓主慶幸謂:「還好沒被雷劈。」
全長約100公里嘅麥理浩徑共分為十段,雖較具挑戰性,但沿途風景優美,曾入選全球20條最佳行山徑,近年更成為唔少內地旅客來港體驗戶外活動嘅首選。
內地一位名為「四方姑娘」嘅抖音網紅分享,佢日前喺惡劣天氣下挑戰麥理浩徑,出發當天全日重裝備徒步走麥理浩徑第二段,山路未如想像中好走,攰咗成日終於到達紮營地,以為可以欣賞海景及好好瞓一覺,未料晚上有一頭野豬來襲,咬爛帳篷之餘仲食曬佢哋準備嘅食物。
姑娘第二日繼續行程,期間再遇上暴雨,令本身已經崎嶇嘅山路,變得濕滑難行,泥水一直灌入對佢鞋,最終不得不報廢,雨衣爛了,手機亦因入水導致主板燒了。但以上經歷並未令樓主失望,佢認為喺戶外總會遇到好多未知,欣賞到雨後天晴嘅美景,亦算意外驚喜,勉勵大家「人生從來都不是一帆風順」。
KellyChu
![暴雨下山路濕滑,泥水一直灌入佢對鞋。 暴雨下山路濕滑,泥水一直灌入佢對鞋。](https://image.hkhl.hk/f/1024p0/0x0/100/none/9f0b43fb3f1438a0f69f789aaf75e66d/2024-05/WNN05P01040524_copy.jpg)
暴雨下山路濕滑,泥水一直灌入佢對鞋。