KellyChu - 鄧炳強沙頭角美食終回 力薦「隱藏餐單」 | Executive日記
KellyChu
2024-05-20 02:00 HKT
字體大小
沙頭角第二期開放計劃展開以嚟，已經吸引咗唔少市民去一日遊體驗，為咗令市民了解及品嘗到沙頭角嘅地道美食，保安局局長鄧炳強推出「沙頭角十大美食」系列短片，最終回為大家帶嚟「餐牌沒有的美食」。
鄧局長話，餐牌上見唔到嘅少甜老婆餅（見圖），外皮鬆脆、清甜煙韌，適合大家帶返去做手信。呢款老婆餅唔止少甜健康，仲係迷你Q版，食多件都冇罪惡感呀。而且局長好識歎，食老婆餅同時配上一杯自家製沙冰，話無論夏天定冬天飲都係透心涼。
最後佢仲介紹咗一款沙頭角幾乎失傳嘅美食—炸油糍，話有非常充足嘅蘿蔔絲加上蝦米，配以特製粉漿炸靚靚，就好似炸脆咗嘅蘿蔔糕，更為香口，大讚非常好食。
KellyChu
更多文章
