Cally - 6月上深圳節目推介 睇海獅賞煙花食盡打卡美食 | 商界講呢啲
Cally
2024-05-31 02:00
字體大小
6月北上深圳玩樂嘅節目行程安排好未？人生路不熟唔知去邊度玩好，咁不妨參考深圳歡樂海岸遊玩攻略，大人小朋友都可以搵到屬於自己嘅快樂天地。
首先去海洋奇夢館感受夢幻嘅海底世界，仲有海獅表演睇！6月係海洋館11歲生日，成個月都增設咗專家科普研學課程俾小朋友邊學邊玩。去尼克playtime唔單止可以同真人公仔零距離互動，仲有汪汪隊立大功、忍者龜、海綿寶寶及朵拉四大主題區參觀；追求刺激?可以去探洞工廠：四大區域八個洞口，從易到難等大家挑戰；去探洞秀玩兒童版嘅密室逃脫，俾小朋友體驗解謎嘅樂趣。夜晚仲有結合咗噴泉、鐳射、投影、音樂、舞蹈及煙花等融匯而成嘅煙花水秀表演，令大小朋友都能夠盡興而歸。
食方面就梗係去深圳10年老店安徽菜集賢門，品嚐當地名菜徽州臭鱖魚及皖北地鍋小雞貼膜；想食北京地道烤全鴨就可以去全鴨季。
喺深圳歡樂海岸購物可以享受提供一站式購物體驗，會員6月8日至10日單一消費滿人民幣688元仲送人民幣100元電子零售券，兼送專屬大禮包𠻹！
Cally
最Hit
男子患脂肪肝靠喝1飲品 2周後成功降血脂血糖 不用吃藥兼減3kg
2024-09-06 13:40
稻香再推老友記早茶優惠！長者$18.8任揀2籠點心 午市下午茶粥粉麵飯$28起 新推$48水餃濃湯雞
2024-09-07 00:03
40歲前港男「國民女婿」中年發福？ 面腫走樣重回TVB娘家開工：回憶返晒嚟！
2024-09-06 15:30
更多文章
