KellyChu - 林家謙夥昂坪360拍宣傳片 分享幼時「多啦A夢」窩心鼓勵 | Executive日記
KellyChu
2024-06-17 02:00
字體大小
林家謙同昂坪360合作拍片，宣傳「多啦A夢」主題纜車及限定活動，佢話其實大家成長過程身邊都有一位「多啦A夢」，就係自己嘅父親。影片由鄭子誠飾演溫柔好爸爸，《年少日記》主角黃梓樂飾演兒時家謙，二人多段對話都搞到Kelly眼濕濕，今次家謙嘅喃嘸有「洋蔥」。
片段開首家謙搭「多啦A夢」主題纜車，憶起：「我細細個就好想多啦A夢可以一直陪住我，因為佢有好多法寶令人開心」。鏡頭跳到小時候嘅家謙（黃梓樂飾演），佢同爸爸（鄭子誠飾演）講：「今次考試考得唔好，我下次會畀心機㗎喇」。鄭與《年少日記》嘅嚴父不同，以「爸爸細細個零雞蛋都攞過好多次喇」鼓勵囝囝。
家謙又指自己同胖虎一樣都好鍾意唱歌，細個曾經畀人話過佢唱歌唔好聽，不過多啦A夢（爸爸）就同佢講，要對自己有信心！故事講出小朋友成長時嘅迷茫，同埋家長點樣透過說話鼓勵孩子，巧妙結合多啦A夢同父親嘅角色之餘，亦好有教育意義。
KellyChu
黃梓樂（左）及鄭子誠（右）有份參演。
更多文章
