查小欣 - $7一盤酸菜魚 | 查乜料
查小欣
2024-06-21 02:00
字體大小
7蚊一盤酸菜魚，唔係講緊北上消費，而是在香港觀塘和尖沙咀的京滬佳餚，初時以為是噱頭引客，頂多是1人份細細碗，但當夥計捧盤「金湯藤椒酸菜魚」上枱時，大家都忍不住嘩了一聲，一大盤正常份量，賣相靚，足料，斑片大大塊，個金湯酸辣度恰到好處，原價$238，只賣7蚊，好震撼，而且不論人數，沒最低消費，吃了第一次未敢介紹，直至前後食過三次都保持水準，才敢請朋友去，大家都讚。
除抵食酸菜魚外，京滬的香酥烤鴨都好好食，鴨皮酥香，脆口，點沙糖食，入口即化，鴨肉香腍，汁醬、京蔥、山楂、青瓜、蜜瓜、蒜蓉等配料放九宮格盤中，每人一盤，請客甚得體，薄餅軟棉，才賣$420，性價比高。其他招牌菜糯米炒膏蟹， 龍蝦燒麻婆豆腐亦甚出色。觀塘店有4人房，啱晒傾密傾或打鵲局，大房有卡拉OK，打蔴雀、晚飯、唱K直落，你話留港消費幾自在。
京滬觀塘店地下的燒味店「港燒味」都好激，一盒叉燒飯僅賣10元，份量正常，飲品加3元，例湯加5元，加加埋埋18元一個午餐，今時今日去邊度搵？不過店家話明叉燒免切，記得兒時同爸媽去龍鳳大茶樓飲茶，一定叫碗叉燒飯，再三叮囑免切，一大舊原汁原味叉燒放在白飯上，好有幸福感。
生意難做，7蚊酸菜魚、10蚊叉燒飯，都是為能逆市求生，定要支持！
查小欣
最Hit
前港姐為5歲女兒辦豪華大型生日會！設超大佈景板打卡 餅印囡囡著花裙亮相似公主
2024-06-27 14:00
港漂女慘中WhatsApp騙局 累老公被「自己」騙走3萬元 事後反省切忌做1事？
2024-06-27 13:00
更多文章
