KellyChu - 菲律賓龍舟隊健兒首遊香港迪士尼 玩轉Frozen | Executive日記
KellyChu
2024-06-22 02:00 HKT
字體大小
維港上個周末舉辦咗香港國際龍舟邀請賽，多個國家嘅精英健兒雲集本地，菲律賓隊嘅運動員就好識work hard，play hard，佢哋趁機喺賽前去咗香港迪士尼樂園放鬆一吓，留下珍貴回憶。多位健兒都係第一次嚟到香港迪士尼樂園，對Frozen新園區感到新鮮，而迪士尼其中一位菲律賓籍嘅親善大使Gisele亦熱情款待。
菲律賓龍舟總會嘅精英隊，為代表菲律賓出戰2024香港國際龍舟邀請賽，經歷多個月嘅密集式訓練，佢哋大部分成員都係嚟自菲律賓海軍或海岸警衛隊，體格非常好。總會同香港迪士尼樂園精心安排一個welcome break畀各位健兒，等佢哋可以喺賽前好好放鬆充電。
一行50多位健兒，好多人都係第一次嚟到香港迪士尼樂園，其中Frozen新園區最吸引佢哋，大家都覺得好新鮮，因為呢個園區係得香港先有㗎。
香港迪士尼樂園其中一位親善大使Gisele，係第一位菲律賓籍嘅親善大使，佢盡顯好客之道，親自接迎各位健兒，仲同大家一齊開心selfie！迪士尼話，Gisele平時都有喺樂園玩開龍舟。Kelly認為大家真係好有緣份，希望佢哋將香港開心嘅回憶帶返菲律賓喇。
KellyChu
菲律賓龍舟總會嘅精英隊健兒，第一次嚟到香港迪士尼好開心。
更多文章
