謝霆鋒演唱會2025︱鋒火不滅 港女散場後隨餘韻盤點半生 跌宕故事感動網民｜Juicy叮
發佈時間：11:40 2025-04-28 HKT
身影佇立火與光的交界，當謝霆鋒在演唱會上撥動電結他，音符落地一刻，25載的「鋒」煙悸動成舞台上紛飛的蝴蝶，打翻了粉絲們細意珍藏的整個青春。原來，時光從未走遠。
「謝霆鋒進化演唱會」是一場與歲月的浪漫約會，散場後，被回憶殺擊中的樓主萬千感慨，思緒留在旋律餘韻不願散場。日前在社交平台Threads發帖，透過長文闡述自己15歲至40歲前的跌宕與心路歷程，從青澀到從容。
人生各自流浪。樓主的故事，恰恰由謝霆鋒兩個相隔四分一世紀的演唱會細碎地串起。25年來，各自長大，卻從未走散。千帆過盡，因為一個和弦而心潮澎湃......
詳情見下圖及下文：
謝霆鋒演唱會2025 港女散場後隨餘韻盤點半生逐張睇↓↓↓↓
樓主回望25載心路歷程
樓主在長文中吐露心聲：「曾經……喺我15、16歲嘅時候，好多同學都已經拍緊拖，但我就好投入去追星。我會去商台等幾個鐘，又會追車，又會跑去港澳碼頭度送上船，喺追星嘅日子入邊都識到唔少朋友。
呢啲嘢我父母都唔知嘅，我成日呃佢哋話同朋友出街食嘢。因為佢哋好憎謝霆鋒，會話我點解要鍾意謝霆鋒，我身邊有啲同學朋友都會睨我嘅。但我自己知道點解你會一直咁欣賞呢個男人。我成日話如果謝霆鋒再唔開演唱會呢，我就老㗎啦，我跳唔到叫唔到。
今日……，佢喺我40歲之前終於都開返演唱會啦，好開心好興奮，我真係跳、叫、企足全程，2000年25年前VIVA演唱會嘅時候都係一樣。
今日嘅我準備踏入40歲，經歷過讀書升唔到原校中學轉校、中五會考重讀、出嚟做嘢、專注家族生意、搵錢、初戀拍拖、結婚、生仔、出現情緒問題、事業嘅低谷、離婚、獨力照顧仔仔、從屋企人家自己同個仔+姐姐搬出來住……
人生有不同嘅經歷，都係呢個演唱會入面聽嘅歌回望返你好多嘅回憶。有咩歌曲係你嘅回憶中令你有好深感受嘅呢？（#仲未消化完已經2晚情緒仲好高漲好空虛好失落；#玉蝴蝶嘅歌詞作曲編曲都好正好浪漫；#霆鋒可以同一生中最愛嘅人重新相愛好浪漫）」。
帖文中，樓主除了上載門票和啟德場內睇騷的興奮照片外，還附上一張角落印有「01 5 27」的舊照，相信是樓主當年追星成功，與架著墨鏡的謝霆鋒合照。
謝霆鋒演唱會2025 港女散場後隨餘韻盤點半生逐張睇↓↓↓↓
網民身同感受尋回青春時光
回應的網民深有共鳴，簡單一句「加油」都叫人心神領會，坦言「同齡，身同感受」，有默契地感受到「尋回青春快樂時光」的雀躍心情——「每句歌詞，都可能會帶你返去這20幾年裏的某一場景、某一分、某一秒或者某個人。『由從前相戀一剎早知分手結果，縱使深深愛過……（《早知》歌詞）』，當日聽係一種傷心感覺，今日再聽，是一種惋惜」。
因應樓主的追星足跡，有網民甚至「諗緊我哋以前會唔會識」。有人則附和樓主「我當年都有俾同學睨，不過我完全無放喺心度，繼續我有我鍾意」。
細看樓主慷慨上載的相片，有網民指「你張相好傳遞到，你睇嗰時嘅開心～」，並滿腹欣賞地稱「25年前謝霆鋒真係同而家一樣咁靚仔」。
資料來源：lemon_yfk＠Threads
相關閱讀：謝霆鋒演唱會2025︱粉絲意猶未盡 散場沿途高歌 地鐵車廂大合唱
