KellyChu - 以互動形式分享防毒資訊 退役緝毒犬首度走入校園獻技 | Executive日記
KellyChu
2024-06-29 02:00
字體大小
海關緝毒犬靈敏聰明，聞一聞毒品無所遁形。雖然佢哋同人一樣會退休，但絕不「躺平」，最近仲搵到新使命。九龍城浸信會禧年（恩平）小學禮堂昨早一片歡笑聲，一班小學生同2隻退役緝毒犬打成一片，原來呢兩隻狗狗老而彌堅，成為紀律部隊義工服務隊（海關）一員，用輕鬆有趣嘅方式，教年輕一代防毒資訊。
九龍城浸信會禧年（恩平）小學昨日早上舉行「退役緝毒犬走進校園」活動，紀律部隊義工服務隊（海關）帶同2隻退役緝毒犬，向現場嘅學生講解毒品知識。
唔少小朋友見到狗狗喺多個蓋着物品嘅紙盒使勁嗅，找尋可疑物，都睇到屏息靜氣；完成任務後，現場傳來一片掌聲。之後好多小朋友仲有幸獲邀上台，同緝毒犬互動拍照！
小五生楊同學形容，今次係第一次接觸緝毒犬，心情興奮又開心，又話成個活動最有趣係，海關義工問毒品名稱嘅環節，令佢大開眼界。
海關領犬員黃先生就話，今次係義工服務隊首次帶退休緝毒犬入校園，沒諗到學生反應咁熱烈：「咁大隻狗，以為小朋友可能會驚，但原來咁鍾意」。佢又透露，義工服務隊未來會有相關活動，等市民可以近距離接觸緝毒犬，了解佢哋嘅生活。
KellyChu
狗狗喺蓋着物品嘅紙盒使勁嗅，找尋可疑物。
最Hit
HK Tech 300東南亞大賽圓滿舉辦 助海外初創走進香港與內地市場
2024-07-05 16:00
汪明荃炎夏穿羽絨包到冚！兩度患癌份外錫身 早前手術成功再活躍各大場合
2024-07-06 10:00
更多文章
