胡慧沖 - 信不信由你 | 筆泰沖動
胡慧沖
2024-07-05 02:00
字體大小
經常都話泰國滿天神佛，有人信神，也有人信鬼，更加有人信一些法事或者降頭的事情，是真是假無從稽考，信則有不信則無，但我話畀你聽我真係信……
有些事情其實真係難以解釋……舉例泰國人如果有重要活動舉行，但驚遇着落雨可以點做？傳統方式就會用香茅插喺草地，再裝香敬拜天，跟住就有機會天公造美不下雨，係真係假？剛剛我去布吉島就領教過……
話說布吉島剛剛上星期六舉行了超級大件事，就係同志平權驕傲月的大遊行，布吉市政府封了這個舊城區的街道，當日有超級多隊伍和花車在區內遊行，當然也有超多市民圍觀……之後晚上又有放煙花、出動無人機等，活動場面非常盛大！
但因為知道這段日子當地會有狂風大雨，主辦單位之前就係用咗呢個方法去祈求天公造美，結果星期六那天只是中午落過少少雨，之後放晴，跟住晚上節目舉行之際雖然有少少雨點，但很快亦都停雨，待整個活動完結，跟住我回到酒店凌晨時份才落傾盆大雨。第二日布吉島多個地方水浸，自己也足足用了3小時才去到機場搭飛機，布吉島也連日大雨……說是主辦單位純粹好彩定係真有其事？真的信不信由你，反正我就信。
胡慧沖
最Hit
更多文章
