胡慧沖 - 去泰國富豪 屋企食飯 | 筆泰沖動
胡慧沖
2024-07-12 02:00
字體大小
經常有人講話泰國人好窮，但其實泰國、香港同其他地方都一樣有好人壞人，也有有錢人同窮人……
喺泰國生活過嘅人都會知道，其實泰國尤其曼谷都有好多有錢人，講起泰國富豪，不得不提就係BTS集團的老闆黃創山先生，他的資產遍布泰國……而其中有一部分更加同遊客有關，例如香港人好熟悉嘅曼谷文苑，就由佢當年嘅大廚文總所打理。除咗文苑之外仲有佢嘅舊屋！喺Sathorn區有一個名為Baan Turtle俗稱「龜竇」嘅地方，裏面食嘅係私房菜，包括有由文總主理嘅廣東菜式私房菜。
當然我知道好多朋友都會覺得，到泰國四日三夜一定唔會食中菜，係都食街邊河粉啦！但其實有唔少香港遊客嚟到泰國都會食中菜，尤其是同爸爸媽媽一齊嚟旅行。
呢一間喺Baan Turtle裏面嘅中式私房菜，其實都有好多香港明星名人曾經係座上客，質素同價錢喺香港未必食得到，但當然一定貴過泰國街邊嘅海南雞飯。正所謂百貨應百客，如果有需要食餐好嘅私房菜，都可以考慮吓這裏，分分鐘有機會撞到來自香港嘅明星名人，甚至乎泰國名人有錢人！
胡慧沖
最Hit
更多文章
