KellyChu - 消防處最新一期《守護同行》出爐 長跑精英「堅叔」投身救護爭分奪秒 | Executive日記
KellyChu
2024-07-09 02:00
字體大小
消防處以守護市民生命財產為使命，全港18區每日接獲大小不同個案，要喺危急關頭救災扶危，須訓練有素及具備專業判斷。最新一期消防處刊物《守護同行》邀請從全職長跑運動員轉換賽道，投身救護工作嘅徐志堅分享執勤經歷，讓大眾從中更了解消防工作。
34歲嘅徐志堅綽號「堅叔」，加入消防處成為救護員之前係一名全職長跑運動員，佢喺2018年出戰德國柏林馬拉松，造出2小時24分43秒個人最佳時間，並打破保持咗26年嘅全馬香港華人紀錄。
佢認為，救護工作同跑步一樣係要爭分奪秒，曾遇過一名50多歲男子出海期間昏迷，船隻緊急回航遊艇會後，佢哋用AED為佢恢復心跳，但送院途中男子心跳再次停止，大家冇放棄救治，終於男子到達醫院前回復清醒，才鬆一口氣。
堅叔現時駐守寶馬山救護站，利用上下班時間跑步往返港鐵站，作為恆常練習，除咗繼續參加公開比賽，亦加入消防處長跑隊，希望未來再有機會為消防處和香港爭光。
今期《守護同行》亦邀請多位消防分局嘅成員分享執勤經歷，其中天水圍洪水橋一個工地喺4月發生一場歷時40小時嘅4級火，全賴一眾消防員平日訓練有素，保持冷靜和專業，加上部門於現場設立歇息區，令成員補充體力，順利履險如夷。
想知道更多消防拯救生命嘅故事，以及如何喺瞬息萬變嘅社會維持專業服務水平，即刻掃描二維碼瀏覽今期《守護同行》電子版喇。
KellyChu
消防員3月在葵涌一個火警單位救出小貓，並為牠提供氧氣治療。
最Hit
前港姐冠軍富商老公自爆臨老入花叢？身在東莞認艷福無邊 多後生女粉絲
2024-09-20 12:30
一家三口空置公屋兩年被收樓 申司法覆核勝訴 官下令房委會重新考慮
2024-09-20 18:58
更多文章
