KellyChu - 「通靈之王」楓燧道長大作《悟道德》傳授修心妙法 明天現身書展簽名交流 | Executive日記
KellyChu
2024-07-20 02:00
字體大小
都市人每日返工返學，向住自己嘅目標奮鬥，總會遇到壓力同困惑嘅時候。最近Kelly知道，有一本叫《悟道德》嘅新書，喺依家香港書展期間推出，教授大家用中國傳統道家嘅智慧，透過「修心」，學習喺忙碌嘅生活中保持內心平靜，寫呢本書嘅作者仲好有來頭，就係喺電視真人騷《通靈之王2》勇奪冠軍嘅道長易烊楓燧。
有睇過《通靈之王2》嘅觀眾，都知道楓燧道長嘅道教符咒、法術同八字功夫有幾深厚，今次佢第一次出書，希望同讀者分享佢10幾年來修習得來嘅道家養心功夫。楓燧道長喺書中介紹道家嘅入門修心方法，讓初學者掌握基本知識，亦會講解《道德經》同其他中國古代先賢著作嘅內容，引領讀者探索蘊藏喺經典裏面嘅智慧。例如明朝大儒王陽明提倡嘅「致良知」、「知行合一」，楓燧道長都喺書中一一細談。
楓燧道長話，當下社會流行一種說法：「在上班和上進之間，90後選擇上香；在求人和求己之間，00後選擇求神問卜。」楓燧道長認為，呢句話彷彿揭示一代年輕人嘅心聲，喺面對生活壓力與困惑時，試圖尋找可以寄託心靈嘅方式，所以佢將自己從中國哲學中學到嘅寶貴智慧，分享畀更多人。「我希望能夠幫助大家了解養心功夫嘅內涵同價值，從而逐漸融入到自己嘅生活，實現內心嘅平靜同和諧。」
其實，楓燧道長係中國道教五大宗派之一「正一派」嘅授菉弟子，喺江西龍虎山修道。出呢本新書之前，佢亦喺網上平台開設國學課堂，弘揚中華文化，反應好熱烈，累計報名人數已經超過10萬。今次出書，道長仲會喺星期日（21日）晚上7點，現身書展會場，同讀者簽名，想親身同楓燧道長交流嘅朋友，記得去喇。
KellyChu
楓燧道長嘅新書《悟道德》教授大家用中國傳統道家嘅智慧，學習喺忙碌嘅生活中保持內心平靜。
最Hit
男子患脂肪肝靠喝1飲品 2周後成功降血脂血糖 不用吃藥兼減3kg
2024-09-06 13:40
稻香再推老友記早茶優惠！長者$18.8任揀2籠點心 午市下午茶粥粉麵飯$28起 新推$48水餃濃湯雞
2024-09-07 00:03
40歲前港男「國民女婿」中年發福？ 面腫走樣重回TVB娘家開工：回憶返晒嚟！
2024-09-06 15:30
更多文章
