Cally - 迎接巴黎奧運 愉景灣夏日消費玩樂攻略 | 商界講呢啲
Cally
2024-07-31 02:00
字體大小
喺巴黎奧運期間，愉景灣將會喺中環3號碼頭、愉景灣溜冰場、Lantau Yacht Club、愉景灣康樂會及愉景灣酒店The Bounty Entertainment Sports Bar提供電視現場直播服務，將盛況場面帶到大家眼前；於8月11日前仲可以$50優惠價參加晚上公眾溜冰時段，一邊透過溜冰場上嘅大銀幕觀賞2024年巴黎體育賽事，一邊享受溜冰樂趣。
愉景灣今年繼續與Kiztopia合作，推出「愉景灣彈游夏日嘉年華」，只要喺9月1日前消費滿指定金額並追蹤「香港愉景灣」官方社交帳號，即可換領「愉景灣彈游夏日嘉年華」親子同行套票1張；而LOST密室逃脫中心提供4個主題挑戰，喺9月1日前憑Splashtopia門票或入場手帶參加LOST 4人或以上任何一項密室逃脫遊戲體驗，即可獲贈特別版飛行棋一款（價值$299）。至於室內探險樂園Epicland亦新增咗精彩刺激嘅EPIC VOLCANO裝置，俾小朋友玩個痛快。
由香港渡游團主辦、愉景灣全力支持嘅第二屆愉景灣渡海泳挑戰賽亦定於8月25日舉行。參賽者將沿途欣賞到愉景灣海岸線和美麗景色，藉此推廣健康生活及響應體壇盛事。
即日至9月1日期間，憑Splashtopia門票或入場手帶喺愉景廣場、D’Deck及愉景北商場多間指定人氣餐廳及商戶消費，可享低至6折優惠；以電子貨幣消費滿$600或以上，並追蹤「香港愉景灣」官方社交帳號，亦可換領DB x CEET特別版禮遇一份𠻹。預訂埋「盡享夏日『愉』樂」住宿計劃或「3日2夜夏季住宿計劃」，除咗包埋「愉景灣彈游夏日嘉年華」親子同行套票1張，仲可以參加「親親馬兒」體驗，咁就可以喺愉景灣玩得更盡興啦！
了解更多
更多文章
