KellyChu - 昔日划艇名將今天水警 羅曉鋒迎風浪 | Executive日記
KellyChu
2024-08-06 02:00
字體大小
運動員生涯短暫，離開鎂光燈後嘅第二人生大家都好奇。曾代表香港兩度征戰奧運嘅划艇名將羅曉鋒，退役後選擇投考警察，與海有緣嘅佢成為水警。同期學警為羅曉鋒取咗個外號叫「快樂鋒」，因為佢應付嚴格訓練和考核時，總能樂觀面對。
曾兩度征戰奧運
羅曉鋒2004年獲得個人首張奧運入場券，當時年僅20歲嘅佢喺雅典奧運取得第18名，締造港隊歷來奧運最佳名次。4年後嘅北京奧運更榮膺划艇項目亞洲第一，並獲選為當屆閉幕禮嘅港隊持旗手，佢表示，能夠喺祖國主辦嘅奧運會中高舉特區區旗，感到無比光榮。
之後面對努力訓練，成績仍未見突破，羅曉鋒選擇轉任教練，並重返校園裝備自己，2014年再次以實力回歸港隊，代表香港參賽及扶助年輕運動員。
直至去年，羅曉鋒獲取錄入警察學院受訓，雖然年紀較大，但與同學相處融洽，因總是樂觀面對嚴格訓練，被大家稱作「快樂鋒」。佢話：「作為精英運動員期間，我已經習慣面對艱苦嘅身心挑戰，並竭力做到最好。」
與海有緣嘅佢，現時駐守水警北分區，希望憑藉努力考取水警所需專業資格，在崗位中一展所長，「我永遠記得自己是一名運動員，就算退役，亦希望把運動員嘅堅毅精神在其他地方發光發亮。」
KellyChu
更多文章
