KellyChu - 得獎深度遊項目 玩打卡兼體驗老香港 | Executive日記
KellyChu
2024-08-08 02:00
字體大小
旅遊事務署資助、香港旅議會舉辦嘅「創意·深度旅」行程設計比賽，行程「潮流文化行—100%香港」獲獎。小妹昨日就有幸親身體驗咗一次行程，期間穿梭香港大小角落，去咗牛頭角樂華（南）邨、歷史建築中環街市，又參觀咗霓虹燈工作坊、懷舊食肆同特色小店，唔單止對香港嘅認識加深咗，仲感受到本港各種民間文化嘅趣味。原來「打卡」之餘，都可以學到香港歷史㗎！
香港旅遊業總幹事楊淑芬就話，只靠購物團已經好難持續吸引旅客，而深度遊旅遊產品「有故事，有體驗」，能夠延長旅客在港嘅逗留時間。
佢相信，深度遊係旅遊業持續發展嘅方向同道路。
KellyChu
更多文章
