KellyChu - 1蚊鮑魚超搶手 參展商：銷情有望升2成 美食博覽旺場 市民「車仔」掃貨 | Executive日記
KellyChu
2024-08-16 02:00
字體大小
由貿發局主辦嘅「美食博覽」、「美與健生活博覽」、「家電‧家居‧博覽」昨起一連5日喺灣仔會展舉行。其中美食博覽人頭湧湧，有市民帶埋買餸車到場掃貨，滿載而歸。更有市民為搶1蚊鮑魚，「前日之前」已經到場排隊，相當有毅力，最終與隊友贏走500罐即食溏心鮑魚大獎。
美食博覽昨早10時開鑼，大批市民已在場外排隊等候，排頭位嘅市民直奔「1蚊蝦子麵」展位，唔夠兩分鐘經已售罄。取得「一蚊搶鮑魚」活動頭籌嘅盧先生亦成功搶購蝦子麵，之後隨即前往參加活動。佢話自己「前日之前」已經到場排隊，雖冇透露具體時間，但形容「排到天昏地暗」。
9位入場人士分3組參加遊戲，盧生及其餘兩名隊友順利喺遊戲勝出，獲得500罐即食溏心鮑魚大獎。盧先生表示非常開心，「大家happy，當然開心啦」，認為排隊辛苦都值得。問及會唔會「日日食鮑魚」，佢指會適可而止，將與隊友平分獎品。
入場市民好快滿載而歸，市民英姐買咗駱駝奶、芝麻丸、急凍雞等，形容「車仔都滿晒，拎都拎唔起」，大概花費超過2000元。其朋友華姐則買咗豬排、急凍雞等，二人都話買夠、「大出血」。李小姐就為屋企人買咗罐頭食品、即食麵、藥品沖劑等，表示首日入場優惠好多，同時都希望支持本地消費。
急凍食品參展商梁小姐今年繼續推出「1毫子福袋」，只需1毫就可獲得雞煲、保溫袋等。佢認為，今年人流較往年好，「一開檔就做到生意，除咗前排攤位，後面嘅檔口都有人行，會去買嘢」，但相信係因為第一日開幕，並希望今年銷情可以升兩成。
KellyChu
有市民贏得500罐即食溏心鮑魚大獎。
最Hit
64歲長壽專家養生秘訣 每日吃5種食物回春20年！必飲1種茶補腦延壽
2024-11-16 15:33
荃灣海鮮火鍋放題被轟「趕收工」！ 港女9時入座不足2小時被催「食快啲」 列4宗罪表明「唔會再去」
2024-11-16 09:00
74歲TVB鎮台之寶終公開心儀對象容貌 因老公偷食離婚 發展姊弟戀20年極神秘
2024-11-15 23:40
更多文章
