KellyChu - 葛民輝盞鬼中秋裝置任打卡 猜燈謎豐富獎品等你攞 114幅童繪花燈照亮昂坪市集 | Executive日記
KellyChu
2024-09-14 02:00
字體大小
中秋節慶祝人月兩團圓，係一年一度同家人朋友共聚好時光，本港熱門景點昂坪360趁佳節推出「童悠共賞 花燈照昂坪」活動，請到創作鬼才葛民輝義務設計盞鬼嫦娥玉兔中秋打卡裝置，以及高掛逾百幅小朋友畫作製成嘅燦爛花燈，仲有猜燈謎遊戲贏豐富獎品。
昂坪360結合藝術與慈善，聯同藝人葛民輝與享樂行慈善基金會打造「童悠共賞 花燈照昂坪」中秋節藝術企劃。昂坪360董事總經理董沛銓、葛民輝、享樂行慈善基金會共同創辦人利曼莎及黎諾懿，以及藝術家Ｐaul Lung昨齊聚昂坪市集為企劃揭開序幕。
享樂行慈善基金會早前與保良局合辦「童悠共享 幼兒繪畫比賽」，當中114幅由小朋友繪製嘅入圍作品被製成燦爛花燈，高掛昂坪。葛民輝則以中秋傳統民間故事為靈感，將其自家設計角色「HEROIC KOGIANT」，化身巨型珠圓玉潤版嫦娥及型格冷酷玉兔，旁邊配以花燈、彩雲、滿月點綴，打造出型格趣味嘅打卡裝置。
葛民輝表示，中秋節除咗可以同親朋摰友團圓，大街小巷都有唔同應節裝飾，令人感到溫馨，期望大家嚟到昂坪360，一齊分享佢同過百位小朋友嘅心意，度過難忘中秋。
而喺今日至10月7日期間，只要持有即日來回纜車門票，更可以喺昂坪市集參加燈謎遊戲，估中3題或以上有機會抽獎贏取斜揹針織小袋、行李掛牌、手機斜揹繩等禮品。小妹抽到其中一題燈謎係：「有風不動無風動，不動無風動有風」，猜一樣物件，唔知大家估唔到係咩呢？
KellyChu
葛民輝義務設計盞鬼嫦娥玉兔中秋打卡裝置。
昂坪市集設有燈謎遊戲。
最Hit
60歲資深名模患大腸癌第3期 剖腹發現腫瘤過大無法進行手術
2024-09-21 20:10
深圳直擊加大版「油麻地果欄」 福田農批市場！乾淨企理超好行 海量平價當造生果 國產香印¥110/3包+芒果¥2.5/斤
2024-09-21 10:00
更多文章
