KellyChu - 消防區長工餘進修成博士 專業知識回饋部門 | Executive日記
KellyChu
2024-09-26 02:00
字體大小
消防處一直秉持「救災扶危，為民解困」嘅精神守護市民，最新一期消防處刊物《守護同行》訪問咗2位取得博士學位嘅消防區長，分享佢哋點樣將學到嘅消防工程知識，應用於唔同領域上回饋部門。
消防區長（機構策劃）杜志榮和消防區長（消防工程合規）余子傑，利用工餘時間不斷進修消防工程學，並於2020年雙雙完成博士論文研究，成為部門少數取得博士學位嘅人員。
余子傑指出，消防工程學有助取得安全與創新嘅平衡，一啲有獨特設計或特殊結構嘅現代建築物，可能無法完全遵循消防處規定嘅最低限度消防裝置及設備守則。消防工程設計便會為呢類建築物提供靈活方案，接納設計者通過科學評估來制訂合適消防措施，確保建築物安全水平不低於規定要求。
消防工程知識亦有助火災調查，杜志榮解釋，喺火災現場調查過程中收集關於建築結構、可能火源點、燃燒材料特性等大量資料，並輸入到電腦類比軟體中，利用電腦模擬和分析，便可觀察到煙火嘅擴散路徑及溫度分布等關鍵資訊，從而更科學及深入理解火災成因。
KellyChu
掃描QR Code瀏覽《守護同行》更多內容。
最Hit
更多文章
