KellyChu - 路政署美化街道景觀 喧囂市區綻放木棉花 | Executive日記
KellyChu
2024-09-30 02:00
字體大小
政府冀通過美化公共空間等措施改善市容，由政務司副司長卓永興領導嘅地區治理專組跟進落實。其中，路政署便選定咗荃灣路德圍、中環港外線碼頭、港鐵大圍站進行街道景觀優化工程，為鬧市增添色彩。
路德圍係區內著名「食街」，路政署以荃灣圍村作美化主題，喺天橋橋墩畫上木棉開花，吸引紅耳鵯和赤腹松鼠等小動物休憩嘅景致，原因係呢度為木棉下村原址，現時仍有不少木棉樹每年在此開花。
聯繫市區和離島嘅中環港外線碼頭，透過淺藍色調展示南丫島漁村文化，又以風帆和長洲平安包等元素呈現喜悅慶典，牛皮廠和齒輪圖案則訴說着坪洲工業歷史。
港鐵大圍站一帶可見與吐露港相連河道常見嘅白鷺，以及常於香港郊野出沒嘅果子狸和豹貓等野生動物圖案。路政署未來將繼續為全港18區換上新面貌，同時亦已展開擴大重鋪行人路路面計劃。
KellyChu
更多文章
