Cally - 新地旗下上水廣場賀國慶75周年 激賞黃金月狂送總值逾一百萬元獎賞 | 商界講呢啲
為慶祝國慶，新地旗下Landmark North（上水廣場）由10月1日至10月31日推出「激賞黃金月」活動，包括由10月1日至10月6日嘅「萬元福袋大激賞」，只要消費滿$80,000可獲贈iPad Air（11吋/藍色/Wi-Fi/256GB，價值$5,399）及$500購物及美食電子券組合；若消費滿$150,000則可獲贈太子珠寶鑽飾（價值約$10,000）及$500購物及美食電子券組合；消費滿$250,000更加可獲iPhone 16 Pro Max（沙漠色鈦金屬/256GB，價值$10,199）及$500購物及美食電子券組合，認真着數！
此外，喺10月5、6、12及13日一連兩個周末，上水廣場將舉辦「日本清酒祭」，顧名思義專為愛酒之人而設，特意同日本酒業連合會合辦，商場5樓晴空花園會一連兩星期邀請逾30個清酒品牌、日本特色手作、飾物、擺設品牌舉行市集，鍾意日本清酒同日本文化嘅朋友不容錯過！活動期間同步舉辦「清酒品味賞盛會」，40款亞洲清酒大賞2024得獎清酒可以俾現場人士盡情試飲。而清酒品酒師亦會喺指定時間舉行「清酒導賞團」，教授品嚐基礎知識，如清酒四大分類——薰、爽、醇、熟等等。
特別打造日本浪漫打卡位
香港貴為「美食之都」，除左香港人最鍾意美食外，好多旅客都係為此慕名而來。於是乎，上水廣場嘅「激賞黃金月」活動亦包含多間食肆優惠，只要消費滿指定金額即可換領日、意、泰、台式必吃套餐，例如丼道、一燒肉、PizzaExpress、泰Cow、金鶴二代目、Merci Cafe by Dessess及牛摩+等，可大飽口福！至於專為旅客推出嘅「旅客來港賞不停」，優惠包括由即日起至12月31日，凡經三大口岸前往上水廣場嘅訪港旅客，都可以專享100%乘車回贈優惠；凡經羅湖、落馬州、皇崗（新田）口岸入境，喺上水廣場（2樓至5樓商戶）即日以電子貨幣消費滿指定金額，並出示有效旅遊證件及即日電子乘車紀錄可獲獎賞——消費滿$500可換領$30美食電子券組合；消費滿$1,000可換領$100零售購物電子券一張；黃金周期間更加碼消費滿$3,000可換領$450零售及美食電子券組合，多買多送。
買完食完，最後記得到上水廣場特別打造喺5樓晴空花園特別打造嘅《日式燈籠街》及《恋人之橋》打卡場景，最適合同情人喺星空下手牽手漫步欣賞浪漫感同幸福度都滿瀉嘅場景打卡拍照，享受動人一刻。最後提提The Point會員，只要喺「激賞黃金月」首日10月1日消費滿$800，即可獲贈商場$200購物及美食電子券組合，即時享75折購物回贈，優惠券數量有限，換完即止。
查詢：2639 9638
