KellyChu - 《頭條日報》優化港鐵派發點 最受歡迎免費報15大站送上 | Executive日記
KellyChu
2024-10-05 02:00
字體大小
《頭條日報》多年以嚟都喺港鐵獨家派發，為咗令全港讀者每日都可以輕鬆攞到一份，下星期一開始，《頭條日報》將擴展派發點至港鐵嘅主要中轉站。只要大家早上出行搭港鐵，就有機會睇到《頭條》上面最新最精彩嘅時事生活資訊，記得拎返份喇！
《頭條》創刊18年來致力為讀者提供優質多元資訊，而且派發點更加係全城最多，下星期一起更會喺港鐵15個人流最多嘅港鐵站免費派發，包括港島線嘅中環、金鐘及銅鑼灣站；荃灣線嘅尖沙咀及旺角站；觀塘線嘅觀塘、九龍灣及九龍塘站；東鐵線嘅九龍塘、大圍及粉嶺站，以及屯馬線嘅南昌、美孚、天水圍及屯門站。
除咗派發點大改革，《頭條》亦經常獲唔同機構頒發獎項表揚，Kelly藉此預告一個好消息，就係《頭條日報》今個月將獲頒最佳免費報紙嘅頭銜，品牌實力可見一斑。
而多項調查都反映咗《頭條》喺讀者心中嘅受歡迎程度，包括連續17年獲中大評選為最高公信力中文免費報章、連續10年奪得香港信譽品牌（免費報章），以及喺《數位新聞產業報告2024》被評為信任度最高嘅報章，受歡迎程度有增無減。
所有咁好嘅市場反應以及讀者嘅支持，都係令一眾廣告商支持嘅原因。小妹好多謝大家嘅肯定，未來繼續同編採團隊齊心做得更好！
《頭條日報》港鐵派發點 （2024年10月7日起生效）
1. 中 環
2. 金 鐘
3. 銅鑼灣
4. 旺 角
5. 尖沙咀
6. 九龍塘（觀塘線）
7. 九龍灣
8. 觀 塘
9. 粉 嶺
10. 大 圍
11. 九龍塘（東鐵線）
12. 南 昌（屯馬線）
13. 美 孚（屯馬線）
14. 天水圍
15. 屯 門
KellyChu
《頭條日報》下星期一起會喺港鐵15個人流最多嘅港鐵站免費派發。
最Hit
更多文章
