KellyChu - 旅發局「哈囉威香港」掀萬聖熱太空館變巨南瓜任打卡 | Executive日記

KellyChu

23小時前

內容

旅發局推出「哈囉威香港」宣傳推廣，為市民和遊客送上一系列萬聖節驚喜。Kelly最期待圓碌碌嘅太空館變身成巨型南瓜造型，一定好可愛！除咗城中多項驚喜節目，旅發局仲貼心整理美食清單，等大家可以一齊跟住行程歡度呢個萬聖月。

　　太空館喺今個月18至31日每晚8點15分至10點半，都會搖身一變成巨型南瓜、白色幽靈、菠蘿包、銀河及蝙蝠光影造型登場，絕對係今年萬聖節唔可以錯過嘅打卡焦點。一架特設嘅發光主題電車將率先換上應節新裝，周五起行經港島大街小巷，為城中增添節慶氣氛。

　　鍾意夜生活嘅你，記得收藏旅發局嘅「深宵美食狂熱攻略」，當中收錄全港超過30個深宵餐飲推介，匯聚國際風味和地道經典美食選擇，夜幕低垂時亦能幫你滿足味蕾。另一份「超值美食優惠清單」發掘出城中約20個物超所值嘅餐飲優惠，讓你慳住歎。

　　「哈囉威香港」亮點真係好多，仲有一架「雪糕南瓜車」會喺18、19、25、26以及31日限定現身銅鑼灣、尖沙咀及旺角街頭，買完雪糕記得同南瓜車影相呀。旅發局亦準備咗一個甜蜜驚喜，喺萬聖夜晚上7至10點期間，於中環8號碼頭將免費派雪糕！

KellyChu