KellyChu - 《崢活當下》隔周六刊登 楊崢與你探索美好人生 | Executive日記
KellyChu
2024-10-10 02:00
字體大小
Kelly好高興同《頭條日報》廣大讀者推介，《Vogue》和《Elle》封面女郎Vanessa Yeung楊崢，將於本周六起隔周喺《頭條》副刊開新專欄，名為《崢活當下》，推介佢遊走這個美麗地球遇到嘅美好人同事。
Vanessa係名人模特兒、電視節目主持人同電台主持人，後來轉型為飲食作家。佢對寫作嘅熱情始於1996年，即佢榮獲香港精英模特兒大賽冠軍並被招募到紐約工作嘅一年之後。喺佢嘅國際模特兒生涯中，曾喺巴黎時裝周期間為香奈兒和愛馬仕走秀。佢出版數本書，包括獲獎嘅雙語《把米芝蓮廚藝帶回家》，2012年至今重印咗七次。自2015年起，佢將基地遷回巴黎，往返亞洲同歐洲之間，以作家身份出席各種活動，促進兩地文化交流；文章定期喺多間傳媒機構刊出。
對於每隔周六喺《頭條》刊登嘅《崢活當下》，Vanessa如此介紹︰「今次很高興在《頭條日報》與讀者相知相遇，幸會。從小我是一個積極向前，時刻提醒自己活在當下，對所有事物充滿好奇心的典型水瓶座。多年來我愛時裝愛遊歷，更愛美食，喜歡藝術、音樂與電影文化……平時是一個頗低調的人，若你想知道我哪頓飯最難忘？哪些地區最值得到訪？請鎖定我的新專欄《崢活當下》，同你分享我人生路上所遇上一切美好的人與事。請多多支持。」
KellyChu
楊崢作品《把米芝蓮廚藝帶回家》至今已重印7次。
最Hit
更多文章
