KellyChu - 特首粉碎「唱衰論」 高官議員「綠色」士氣高 | Executive日記
KellyChu
8小時前
字體大小
特首李家超昨日發表新一份《施政報告》，佢喺結語提到，喺大家嘅共同努力下，香港國際金融中心地位上升1位，重奪世界第3，粉碎咗各種「唱衰論」；世界排名保持第1嘅有投資環境、國際貿易、商業法規、航空貨運量等。
不過佢亦話，過去嘅成功，唔代表將來嘅成功，「我哋唔可以自滿，必須不斷求進求變，自我革新。」同時唔可以妄自菲薄，唔可以被內部和外部唱衰力量動搖自信、破壞士氣。鼓勵大家繼續齊心奮鬥。
李家超去年宣讀《施政報告》用咗202分鐘，係任內3份《施政報告》中最長，亦打破歷屆特首紀錄；2022年第一份宣讀咗163分鐘，今年只用咗約150分鐘，係任內最短嘅一份《施政報告》，全文字數有31800字。
此外，昨日多位立法會議員以及司局長，都迎合今年《施政報告》以綠色封面為主題，穿上綠色dress code，議會內一片青翠。
KellyChu
行政長官李家超、保安局局長鄧炳強及民政及青年事務局局長麥美娟齊穿上綠色dress code。
行政長官李家超、保安局局長鄧炳強及民政及青年事務局局長麥美娟齊穿上綠色dress code。
更多文章
