KellyChu - 麥當勞叔叔之家晚宴動人一幕 抗癌小勇士一家分享復康經歷 | Executive日記
KellyChu
2024-10-21 02:00
字體大小
香港麥當勞叔叔之家慈善基金喺上周六晚舉行一年一度嘅慈善晚宴，善長人翁捐款又支持慈善拍賣，為有需要嘅病童同家人籌款，讓佢哋入住位於沙田同觀塘嘅2間麥當勞之家，一同面對治療嘅挑戰。晚宴請來曾受助嘅謙謙同家人，講述如何得到支援，佢哋感恩回報，經常回麥當勞叔叔之家做義工。
家住元朗嘅謙謙，2014年3歲時確診急性淋巴白血病。謙謙嘅媽媽話，當時得知仔仔患病，成個家都好彷徨，佢要返工兼來往醫院照顧謙謙，壓力好大，好在經醫院社工介紹，一家人入住麥當勞叔叔之家沙田家舍，毗鄰醫院，來往醫院探病，方便咗好多。謙謙婆婆稱，初入沙田家舍感覺寬敞，職員待人親切，感謝麥當勞叔叔之家嘅招待，幫助小朋友快啲康復。謙謙爸爸就話，沙田家舍嘅設施很好，不僅幫助小朋友康復，亦為屋企人着想，設有減壓房，非常貼心。
喺麥當勞叔叔之家溫暖陪伴下，謙謙成功康復，健康成長，現在十幾歲，佢好乖咁話，時常同媽媽一齊返回麥當勞之家做義工，又去賣旗，給予患病家庭支持與幫助。Kelly聽謙謙一家人講述同共面對治療嘅挑戰，十分感動，喺呢度呼籲大家多啲支持麥當勞叔叔之家，讓更多病童同家人得到支援同鼓勵。
喺慈善晚會上，除咗分享，大會請來失明女歌手林小芬獻唱《You raise me up》，十分動人，Kelly獲得鼓舞，天生我才必有用。
KellyChu
失明女歌手林小芬Sio Fan。
更多文章
