KellyChu - 鄧炳強聲演岳飛 帶青年領袖傳承愛國情懷 | Executive日記
KellyChu
15小時前
字體大小
保安局局長鄧炳強去年受到出版社邀請，為學生有聲書聲演「岳飛」一角。佢昨日就再喺Facebook拍片透露，話早前到河南開封市期間，順道帶咗一班保安局青年領袖，到位於朱仙鎮嘅岳飛廟，深入認識呢位中國歷史偉人，並一齊緬懷民族英雄，傳承愛國情懷。局長喺影片中讚揚，岳飛係「全力抵抗外部勢力的抗金英雄」，而讀萬卷書不如行萬里路，培育愛國情懷，一定要「要親身走去睇去感受」，形容呢個就係最好嘅愛國教育。
另外，局長聲演岳飛，每句都鏗鏘有力，感情到位，演到岳飛刺身嗰陣，高呼：「唔痛呀，娘親你拮啦」；演岳飛不滿皇帝召命時，就喊：「陛下，點解要下咁樣的亂命呀？」唔少網民大讚專業。
KellyChu
更多文章
