KellyChu - 鬥快鬥準鬥誠意 入境處搶人才 處長瞓身出擊 | Executive日記
KellyChu
2024-11-04 02:00
字體大小
英國桌球天王奧蘇利雲獲批「優才」身份，成為近日嘅陽光新聞，奏響香港搶人才嘅凱歌，好多人都感受事件帶來嘅正能量，但亦有人就入境處處長郭俊峯粉墨登場嘅宣傳手法提出質疑。不過，這也非壞事，證明香港係一個真正言論自由的活潑之城。
Kelly覺得，郭俊峯親身上陣邀請奧蘇利雲拍片推廣，正正係抓緊呢次機不可失、通過球王擇港而棲嘅決定，好好宣傳一番，這不就是特區政府日夜想做嘅「說好香港故事」嗎？出動到處長，肯定係一次「高調宣傳操作」，一來對方係球王，咁先可以博取更多人嘅眼球，甚至吸引外媒嘅報道，而好多人都知處長係桌球發燒友，又同球王相熟，由他出面「瞓身」打波與宣傳，順理成章，如果只係出一篇新聞稿了事，邊度會有依家廣為人知嘅效果！事實上，縮埋一邊好容易，挺身做好份工卻要付出頗大能量。
根據郭俊峯透露，佢係從朋友口中得悉奧蘇利雲有興趣來港，才向他介紹優才計劃，球王也樂於接受，順利申請並獲批。換言之，處長是主動出擊，有何問題呢？唔通坐喺冷氣房辦公室等運到，要知道人地係球王，全世界都爭住要，依家特區政府擺明車馬係「搶人才」，甚至派官員到海外搶，鬥快鬥準鬥誠意，是真正的實事求是！公眾都樂於見到成功搶人才，希望入境處上下繼續加油，想方設法，為香港引入更多高端優才。
KellyChu
郭俊峯親身上陣邀請奧蘇利雲拍片推廣。
最Hit
香港式離婚丨70歲大美人驚喜現身展超凡氣質 連劉嘉玲都忍不住送心心眼
2024-12-25 12:00
天王嫂帶家人北上度假冇人認得？打扮低調如鄰家女孩 一舉動竟累老公捱批
2024-12-25 10:00
海鮮蒸汽鍋放題64折！150分鐘任食生蠔/聖子/M5和牛/黑毛豬 觀塘/旺角店適用
2024-12-25 13:00
更多文章
