KellyChu - 康文署署長劉明光：讓市民共同探索中華傳統文化的博大精深 「香港博物館節」10周年70節目展繽紛 | Executive日記
KellyChu
2024-11-04 02:00
字體大小
香港博物館節今年踏入第10年，康文署喺剛過去嘅周末於尖沙咀舉辦「繽Fun博物館嘉年華」，帶嚟各式中華文化主題活動，為「香港博物館節2024」拉開序幕。今屆博物館節將繼續推廣歷史、藝術、科學，擴闊市民嘅知識領域，共有70多項節目及活動，大部分都可以免費參加。
「繽Fun博物館嘉年華」開幕儀式周六在尖沙咀文化中心露天廣場舉行，一紫一紅嘅醒獅由康文署署長劉明光現場點睛。兩頭醒獅擺出各式靈動造型，喺表演尾聲分別送上「香港博物館節」及「博物館嘉年華」字樣對聯，慶賀嘉年華開幕。
康文署署長劉明光喺開幕儀式致辭時表示，今年嘅嘉年華與不同博物館及藝術空間合作，讓市民共同探索中華傳統文化嘅博大精深，而今屆「香港博物館節」亦將繼續推廣歷史、藝術、科學，於不同層面擴闊市民嘅知識領域。
嘉年華邀得資深木偶戲劇團帶來《大名府》、《鍾馗醉酒》、《孫悟空三打白骨精》等經典劇目，昨日亦有傳統節慶活動—薄扶林舞火龍巡遊，以及多個主題活動和工作坊供市民參加，例如親身體驗用蠟材保護不同類別嘅文物，以及親手製作獅頭吊飾等，趣味十足。
今個月多個周末，本港多間博物館及藝術空間將分別舉行同樂日，包括11月10日喺油街實現藝術空間舉辦嘅「優Joy油栽@油街實現」同樂日，將有手碟音樂表演、工作坊及藝術家展覽導賞等。
康文署指，今年嘅博物館節除了康文署轄下嘅博物館及藝術空間外，還邀請到27個粵港澳合作夥伴參與，令活動生色不少。
KellyChu
不少家長帶同小朋友參與創作水墨畫。
康文署署長劉明光（左六）及出席嘉賓與醒獅合照。
更多文章
