KellyChu - 迪士尼夥拍聖雅各福群會 圍板布料變身實用電話袋 | Executive日記
KellyChu
2024-11-11 02:00
字體大小
香港迪士尼夥拍聖雅各福群會，為近100名迪士尼義工舉辦「華」麗升級工作坊，將工程圍板物料升級再造，轉化為既實用又有意義嘅電話袋。活動除咗推動綠色生活，工作坊更由聖雅各福群會支持嘅復康人士擔任小導師，一齊建構共融社區。
去年10月於香港迪士尼樂園登場嘅華特．迪士尼與米奇老鼠銅像「創夢家」已經迎接一周年，銅像承載咗華特迪士尼嘅傳奇故事，同時見證華特迪士尼公司去年踏入100周年嘅里程碑。據悉團隊早喺設計工程圍板時，已計劃將其帆布物料升級再造，於是加入米奇頭像、城堡等暗花圖案，增加布料嘅可觀性，希望締造一份具意義且可持續嘅紀念品。
工作坊期間，近100名迪士尼義工喺聖雅各福群會嘅導師帶領下，利用刀模機裁剪布片，將一幅圍板布料變身成電話袋嘅外層，而內層及肩帶則利用演藝人員嘅舊雨衣去製作，最後變成一個堅固又美觀嘅環保電話袋，活動好有意義。
KellyChu
工程圍板物料升級再造，轉化為實用嘅電話袋。
更多文章
