KellyChu - 「奧蘇利雲效應」 將與馬曉晴港英兩邊走 世一桌球手卓林普或移民來港會女友 | Executive日記
KellyChu
2024-11-12 02:00
字體大小
繼桌球天王奧蘇利雲經「優秀人才入境計劃」移居香港，目前世界排名第一嘅英國著名桌球手卓林普（Judd Trump），近日亦透露已不再享受於英格蘭生活。英媒報道，卓林普正同有「港版石原里美」之稱嘅前香港女子花式溜冰運動員馬曉晴拍拖，長期喺香港和杜拜生活。
卓林普近日接受英國《太陽報》訪問，透露已不再享受於英格蘭生活。佢表示現時自己經常喺香港同埋杜拜兩邊走，享受周遊列國同時，盡可能花少啲時間喺英國生活，因為希望喺桌球比賽以外嘅時間都能夠過得開心。
比起英國，卓林普話佢會開始長駐中東，所以唔使再經常用上20個鐘飛回英國，對佢嚟講比較輕鬆。佢亦坦言，回家見到爸爸媽媽係開心嘅事，但隨着自己喺球壇上嘅成績越來越好，必須要更專注做好事情，而比賽前盡量留喺亞洲暫時會係一個好嘅選擇，因為溫暖嘅天氣對佢有幫助。
24歲嘅馬曉晴因外形甜美、酷似日本女神石原里美，故有「港版石原里美」之稱，佢退役後除咗做教練亦有參與演藝圈工作。早喺今年3月網上已經傳出二人拍拖消息，當時馬曉晴喺社交帳號大晒杜拜和摩洛哥嘅旅遊相，多個打卡地點都同卓林普一樣，惟二人至今都未有公開戀情。
KellyChu
卓林普同前香港花式溜冰運動員馬曉晴喺香港生活。
最Hit
更多文章
