Cally - 元朗 YOHO 聖誕潮玩MBTI 冬日森林療癒打卡有共鳴感 | 商界講呢啲
Cally
3小時前
字體大小
今個聖誕，元朗YOHO系商場YOHO MALL、YOHO MIX同 YOHO PLUS呈獻「The Healing Forest : an MBTI Adventure星光森語．心靈奇遇」嘅聖誕企劃，為市民帶嚟獨特嘅視覺同心靈體驗！商場捨棄傳統嘅聖誕樹，以近百棵茂盛樹木搭配7萬顆璀璨燈飾，打造7米高360度嘅森系氛圍，令所有人就好似置身喺夢幻森林入面，沉浸喺萬千燈光景致之中，展開呢次身心療癒嘅聖誕旅程。
YOHO MALL I「樹海秘境．尋覓自我」同YOHO MALL II「點亮心靈之森」嘅場景融合咗內心世界同現實世界嘅特色。以高低錯落嘅墨綠樹木同溫暖有力嘅燈光營造出精靈風光映森林嘅主軸，70,000顆璀璨燈飾隱隱約約喺樹葉中，更為森林披上輕柔嘅薄紗，再加上香檳金色嘅巨型夢幻裝飾和精緻拱門，更加為仙境添上虛幻嘅聖誕氛圍。
與此同時，商場又喺森林中加入咗現實世界嘅元素，例如高瘦嘅街燈及天空中嘅架空電纜呢啲帶有生活感嘅事物，令成個治癒系森林仙境，似曾相識又充滿神秘嘅奇幻色彩，沉浸度滿分。
除咗壯觀嘅漫天樹海，商場入面仲有代表每個人獨特性格嘅8個MBTI字母代碼打卡位，代表住16種人格類型嘅MBTI字母代碼，各有不同特徵，其中最矚目嘅係I型人日常心聲「I feel good恬靜之門」，半開嘅木門設計被綠植覆蓋，象徵I人對外界嘅渴求同對舒適圈嘅嚮往。如果你係E人，就可以同「Express myself展翅蝴蝶」打卡，蝴蝶翩翩起舞幾靚。
聖誕月期間，YOHO系商場仲準備咗多元化嘅節慶活動，包括：「MIX FEST音浪派對」、「聖誕奇緣見面會」和「聖誕寵愛花車巡遊」。活動當日仲有多款低至買一送一嘅餐飲優惠，加埋「多元手作工坊」唔同嘅工作坊，節目豐富，成個月都唔怕悶！
MBTI字母代碼打卡位，快啲嚟搵屬於自己嘅獨特性格。
最Hit
74歲TVB鎮台之寶終公開心儀對象容貌 因老公偷食離婚 發展姊弟戀20年極神秘
2024-11-15 23:40
64歲長壽專家養生秘訣 每日吃5種食物回春20年！必飲1種茶補腦延壽
2024-11-16 15:33
連鎖店早餐優惠｜7大食肆最平$18有交易！KFC粥/大家樂三寶配炒麵/意粉屋沙嗲牛
2024-11-16 13:00
更多文章
