Cally - 新地新城市廣場《沙田同心同行40載》 周末放2,024枚璀璨煙火為盛事揭開序幕 | 商界講呢啲
Cally
5小時前
字體大小
唔經唔覺，新城市廣場屹立沙田40年，見證住沙田成長嘅歷史，亦照顧住沙田居民嘅日常需要。不過唔講唔知，佢仲創造咗全球人流量最高嘅紀錄𠻹。
喺呢個大日子，新城市廣場舉辦緊為期兩個月嘅《沙田同心同行40載》慶祝活動，為隆重其事，新鴻基地產主席兼董事總經理郭炳聯及新鴻基地產執行董事郭基泓就喺上周六（16日）晚，出席主持活動啟動禮，為盛事揭開序幕。
眾所周知，新城市廣場係新地以至香港首個以公共交通導向模式發展嘅大型綜合項目，陪伴幾代「沙田友」成長，協助沙田發展為全港18區中人口最多嘅地區，相信新地將利用集團嘅優勢，推動經濟發展，貢獻香港。
今年適逢國慶75周年同新城市廣場40周年，新地就響應政府號召提振地區經濟，將盛事帶入地區，喺上周六舉辦咗香港首個商場幻彩煙火匯演同狂歡嘉年華，發放咗2,024枚璀璨煙火，配合商場聖誕燈飾，燈效及音樂，相當震撼。
除咗戶外煙火匯演之外，商場仲安排咗其他慶祝活動，包括節日燈飾、特色市集、消費獎賞等，通過營造節日歡樂氣氛，鼓勵市民留港消費，貫徹「香港無處不旅遊」嘅理念。
2,024枚璀璨煙火照亮沙田夜空，以慶祝中華人民共和國成立75周年及新城市廣場40周年。
